蝦米皮膚跟進~

呢幾日都好勤力，每晚幫小米搽蘋果醋，放假就早晚都搽．未買蘋果醋時，我哋用鹽水．同樣哋，兩總方法都能夠止痕，不過粒粒就未能消失．我會keep住用一排，再睇睇情況．

端午節午假期，想帶小甩米去dog park，點知到咗下午落雨　冇得去lu~ 唯有等星期六日好天先．不過公公來咗探哦哋，甩米已經認得公公，冇吠了．小米就勁嗲，小米最叻就係”冧”功．

最近，小米既腳隻好容易抽筋（我諗佢係抽筋）．起初以為只係左腳，點知沉晚由机仔跳落來，右腳都抽，我即刻同佢按摩腳仔大脾仔，一陣間，佢又冇事．咁既情況，都唔知睇唔睇醫生好，又好擔心冇人喺屋企時，又再抽筋．．．(*￣Oﾉ￣*)

甩米Spa@home

喺甩米爸媽去咗澳洲期間，好多謝鄰居馬莎既幫忙，仲寫咗好詳盡既blog，又有相睇，令我哋安心咁去玩．不過原來要喺澳洲搵哋方免費上網都幾難，而且我哋唔係住酒店，就難上加難．剛巧有一個朋友需要上網交功課，我哋就一齊俾咗錢買咗兩次上網，等朋友用完，我哋先可以利用剩下既時間去睇馬莎blog．

因為蝦米皮膚一向都唔好，最近春季及雨季，皮膚嚴重出現粒粒．呢個問題一直以來都冇辨法撤抵解決，每個醫生都俾一啲藥，一啲洗毛水．藥食咗會好少少，但食完藥，過了一排，粒粒又來了．洗毛水已經用了好多，但也沒有一種用了後粒粒會消失．據馬莎講，佢試過用Salt water來幫小米抺身，每天抺，幾日就會開始見效．我試了兩天，未見成效，不過知道鹽是可以殺菌，相信有恒心就可以成功．

今日喺citisuper買咗一包海鹽，試下同甩米浸SPA．