思前想後，始終覺得名過於實。
特別同《Before...》相比更加係華而不實。
如果話《Before...》係滿載年少激情同遐想，咁《六號車廂》可能係填補中年失意既虛妄。
用對話去認識一個陌生人，有過爭執，有過分享，似乎更加現實。
因為空虛寂寞凍而擁抱陌生人，留在one night stand就好，硬要留低聯絡再續情緣，算吧啦。
再加上各種戲劇性插曲，必然出現用黎襯托異鄉好人既同鄉壞人，靠住主角光環排除萬難終於完成到既不可能的任務，留低屌你既我愛你，做人灑脫啦。
鐘意，就追返，又要留情，又要現實，兩頭唔到岸。
還是只係一個又一個工具人。取過溫暖，達成心願，為自己收藏可以回味既故事。
矯揉造作。點同《Before...》比。
當然，諗落諗落都明點解有啲人會覺得咁樣係寫實。做人真係咁易咩。
最後既最後，學識左原來岩畫可以係舖係地既畫，點解從來無諗過？