奇妙

前途呢樣野你同我都估唔到
呢個世界,咁講又太大,呢個香港,有大學生即使係喺外國讀完大學返返嚟都可以做一個外判公司既清楚工,即係掃街,另一邊廂,一個成張會考成績表都唔合格既中五畢業生,竟然就係一間五六十人既公司既大老闆,你同我都估唔到,如果唔睇佢地成就,可能人人都判定中五畢業生無期徒刑,而大學生則飛黃騰達,名利盡收,但點解會搞成咁,咁就要睇返兩人之間有乜野分別喇,讀書唔係咁叻既嗰個學生,可能佢擅於應用多於理論,當然大家都應該知道實用比理論勝出好幾倍,理論性既野會有好多因素去改變結果,最後結果同理論可以差天共地,所以理論性既句子多數都會有一句"假如一切情況不變"呢個世界會唔會真係一切情況,一切外來影響都可以不變,事實係無可能,可能喺佢地兩人嗰年同年既會考中,成績出左,高分既就恥笑低分嗰個,但點都估唔到,十幾年之後,嗰個大學生竟然受外判公司既指示去到會考唔合格既學生嗰間公司俾佢間寫字樓打掃,兩人之間又會擦出點樣既火花呢?哈,命運就係咁奇妙,未來既事你唔會知,當你呢刻以為自己佔優,結果,你只不過係暫時性既勝利,正如龜都可以跑贏兔既道理

過去的就給它流走吧

有時失敗或者傷痛既時候,即使過左一段時間,人都總係會耿耿於懷,食唔安坐唔落,當你失敗既時候我可以話你知,有個比你更糟既人喺你面前,嗰個就係我,由我第一次獲得勝利既時候,我竟然自我膨漲起來,我目空一切,以為任何人都在我之下,但就係因為咁,我嘗到由高處跌入低谷既感覺,感覺同跳樓無咩分別,折翼既我仍然都唔知問題係出於自身,竟然怪個天,怪身邊既人,總之任何既事物都怪責,於是我一年又一年咁怪個天唔俾機會我,我驀然回首,我見到一個又一個俾我改過既機會流左去好遠好遠既地方,喺呢個時候我知道已經追唔返,我有一刻係打算自暴自棄,放棄自己,因為我曾經試過爬返起身,我發覺原來我付出少少就可以同付出比我多既人匹敵,我估唔到我花左咁多時間去怪責他人我都竟然可以爬返起身,仲可以同別人體齊,每當我自滿,就開始放輕身段,目空一切,最後我上一次既會考再一次失敗,哈,好笑,我覺得自己一直都無改變過,無變過強,原來只係我身邊既人弱而矣,到左宜家我仲有耿耿於懷,但有一次上堂既時候,我聽到老師講左一句"過去既事就應該放開"佢做埋動作咁講落去"如果你唔學會放開,你又點可以攞起將來"呢句話真係當頭棒喝,原來一直令我咁辛苦既人原來係我自己啊,點解我覺得人生路咁難行咁沉重,好似背負鋼鐵咁,原來鋼鐵唔係人地,唔係個天放上我個身度,係我自己放上去,而我係有能力放落呢d咁笨重既鐵,但我竟然蠢到背著佢地, 一行行左六年,比好多人都走得慢,我每鑽一次牛角尖,就加多d鐵上身,我宜家先發現呢件事,到宜家我要將咁多年既重擔一次過放返落地其實都雖要一d時間,但如果唔放低佢地,我每行一後路我就會辛苦萬分,加油,撐落去,放低無用既後悔同過去左既成功,踏上大路

中國歷史

聽日要測中國歷史喇,心情都唔太緊張,因為我都唔太重視,都唔係咩大件事姐,同埋半個鐘要寫咁多字,我諗我組織方面一定會好混亂,見到一場無勝升既戰事我決定退守,大丈夫能屈能申,小不忍則亂大謀,喺第一個考試入面完完全全勝出既人一定係我,人係唔應該甘於平庸,同別人競爭時候要做出任何心狠心辣既事,要贏就要不擇手段,雖然呢一d行為講出嚟會覺得好髒,但其實口裡說髒,人人每日都會咁做,君子往往最虛偽,小人先顯出真性情

極度恐怖熱線

聽緊極度恐怖熱線,佢地成班人去左迪士尼樂園行鬼屋,佢地話d鬼屋有真正既鬼喺入面,係都唔出加既,物以類聚吖嘛,不過見佢地都玩得幾開心,我都有d想去玩下呀,今年既生日我想去海洋公園玩,但因為太貴,所以我會揀生日既嗰日先去玩,哈,二百幾蚊喎,梗係趁生日嗰日好似話免費嘛,先去^ ^,山口式就快出伊達政宗,雖然我對日本戰國史唔係咁熟,但係隻山口式真係好靚,到時一定會買ヾ(＠°▽°＠)ﾉ

ワタル

同ワタル既決戰都唔知進行左幾多次喇,好鐘意聽同佢對戰時既背景音樂:*:・(￣∀￣)・:*:五天王入面最難既唔係佢,我覺得係佢前一個天王(惡)勁,佢既組合幾高防,而且唔係單單一隻格鬥或蟲秋能夠一夫當關萬夫莫敵,鬼盆栽(ミカルゲ)更是可怕地高防,ブラッキー都係一樣(＠Д＠；


經常都俾佢先過我攻擊,不過無所謂
我真係好鐘意心金魂銀呢隻遊戲^ ^