pokemon trainer card

之前喺好多pokemon既討論區會員既簽名檔都有一張pokemon trainer card,啱啱搵到有個討論區放左條link出嚟,入到去原來可以整一張自己既pokemon trainer card,我都唔執輸,整返一張自己六主力既卡(-^□^-)


三女三男主力組合,淨係得返左下嗰兩隻未去到100lv,其餘嗰四隻都已經到左100lv架喇,呢張就係屬於我既pokemon trainer card,你嗰張呢??喺呢度呀>>>>>>>http://www.pokecharms.com/trainercards/tcm2/

澳門小姐選舉

唔知係唔係我記錯呢,今晚播既澳門小姐選舉好似係無線第一次播澳門嗰邊既選美活動(?_?)
其實我都唔太清楚呀!因為我對選美活動既節目無乜興趣,尤其特別係港男選舉,一班男人走出嚟現場嗰d女人主持又好評判又好,都好似發晒癲咁,嗰班港男就好似同時轉職咁,轉咩職?好明顯係男妓啦( ´艸｀)
唔知點解今晚特別攰,可能係今日搬左d貓砂返屋企,行左成幾個車站既路啦,好攰呀,又唔洗咁早訓,想睇埋鋼之煉金術師FA先訓（‐＾▽＾‐）話時話,呢個blog開左一個星期喇,無論你睇得明又好睇唔明又好,都好多謝你入嚟我既世界,走返轉,即使好快你就走返出去,都多謝你嚟,令我有存在感,多謝大家(^O^)

返嚟喇

測完中史,雖然寫既重點唔多,不過盡左最大既努力就已經足夠(^ε^)♪
不過今晚就要開始做嗰份section5喇,好驚無從入手,好彩有份文章可以參考
一返到嚟屋企就見到隻豬頭炳貓仔好慢咁移出嚟,哈,(^人^)
希望聽日一切都順順利利啦

惡才是王道

點解友善去待人,人地會反而覺得你弱,走去欺負你?
早幾日,我去左寵物用品店,好禮貌去同嗰度既店員講話佢地有幾包貓砂仲未俾我,佢諸多阻撓,又話未有又話幾個星期後先有,轉頭我阿媽打去鬧左佢地一輪,佢地話即日有!!!!????咁即係算點?對佢和善佢當你傻仔馬鹿....鬧佢佢就低聲下氣????人性竟然可以扭曲成咁,呢種人真係同隻野狗無乜分別,鬧佢喝佢先唔吠,可能你走埋去掃佢背佢會咬你一口.....我以後都唔會幫襯呢間寵物店

eng

今日返到屋企就要開始做section5喇,尋晚發左個夢,夢入面我收返阿sir改好嗰份section5,俾佢鬧到一文不值.狗血淋頭般,唔知呢個係成真夢定係假夢呢,當然希望係後者啦,都可能係呢排食多左熱氣既食物啦,成日發夢,不過尋晚發夢俾人鬧既情況好真,我個心係怯緊....哈,無事既(^▽^;)