呢句係香港既一句頗為粗俗既俚語,如果根據呢句說話既意思的話,下個星期一將會係最多人講野既日子,因為下星期一就係重陽節喇,唉,講起都有d慚愧,作為子孫既我淨係有見過嫲嫲最後一面,都係七年前既事喇,宜家數返,發覺時間真係過得好快,咁快嫲嫲就入土七年喇,記得以前返到鄉下,第一件事就係衝上前吻嫲嫲一下,因為唔係年年都有得返去,嫲嫲好啺我架,我唔會忘記,可能係因為我係長子既男丁既關係啦,嫲嫲對我特別好,每次返到去都會準備一餐好豐富既晚餐俾我同屋企人,但係由嫲嫲死左既嗰日開始,我就無再返過去自己既故鄉喇,因為本身我搭船實暈浪,所以都唔會多自己主動提出要返去,而且我宜家喺人生入面做唔出d乜野成績,做唔到衣錦還鄉之果,返到去都無乜作為,雖然係咁,我好記得最後一次見到嫲嫲精精神神,臨返香港之前我飲既一啖,嫲嫲煲既鮮雞湯,呢種味喺邊度都搵唔返,就算係媽媽煲既都係另一種味,兩種都係值得我去珍惜既味
MSN ,blog, 討論都好,我打字都係用速成既,因為速成簡單易學,淨係記得頭尾碼就可以喇,但係社會企業係希望員工識得用倉頡,因為倉頡本身要記得成個字係點樣寫先可以用到,有時憑空想像都唔太完全記得每個字係點寫,如果用紙寫既話我就可以全部識寫,不過我都開始學習倉頡喇,速成已經學到一個熟用既地步,係時候學下新既野,所以我開始用倉頡,得閒既時候就喺電腦既記事簿度跟住每則新聞慢慢打出嚟,希望半年之內對倉頡可以有所掌握啦
由細到大我都認為自己孝順,但係愈來愈大大回首前塵,發覺自己做得絕對係唔夠,反而仲有點兒不孝。
記得以前細細個既時候唔明媽媽做甚麼也是為孩兒好既道理,所以經常駁咀,同媽咪對抗,一直覺得唔吸毒,唔自殘,待雙親如朋友就盡左孝,但咁樣諗原來係最不孝,要知道父母總有一日會離我地而去,我地應該將自己最好既都留俾父母,因為由細到大佢都將佢地最好既留左俾我地,亦因此父母恩係無法完完全全回報,所以喺有生次年都應該如上級般事親,父母既級別係子女所對不起的.趁宜家雙親健在應該好好服侍,正所謂樹木靜而風不息,子欲養而親不在呀!即係你想養返父母既時候可能佢地已經唔喺度,較為感性既我諗到呢度都難免有傷感之情(ﾉω･､)
記得以前細細個既時候唔明媽媽做甚麼也是為孩兒好既道理,所以經常駁咀,同媽咪對抗,一直覺得唔吸毒,唔自殘,待雙親如朋友就盡左孝,但咁樣諗原來係最不孝,要知道父母總有一日會離我地而去,我地應該將自己最好既都留俾父母,因為由細到大佢都將佢地最好既留左俾我地,亦因此父母恩係無法完完全全回報,所以喺有生次年都應該如上級般事親,父母既級別係子女所對不起的.趁宜家雙親健在應該好好服侍,正所謂樹木靜而風不息,子欲養而親不在呀!即係你想養返父母既時候可能佢地已經唔喺度,較為感性既我諗到呢度都難免有傷感之情(ﾉω･､)
之前有單新聞話有個追風一族既家庭,因為一次疏忽,將一個六歲 既兒子留左喺氣球入面,而且氣球放出喺高空速飛,父母當然就係報警求助,最後個氣球降落發現入面根本就無夫婦所講既小朋友,原來佢地聲稱個小朋友怕俾爸爸鬧,躲左喺車房既一個箱度.....但係當晚訪問入面,倨細路突然講係佢阿爸阿媽叫佢幫手做秀,夫婦著急既表情即時呈現,之後連日被追訪,佢都否認做秀之事,但今日終於証實左佢地係做秀,為左搏出位,為左一份真人秀既合約....意外發生屆時全美國電視台係真播追氣球過程,人人都為該位小朋友擔心,宜家穿崩喇,全艾國人既同情心都俾呢個騙子家庭呃左喇,相信經過呢次既事之後,將來有一件真真正正既意外,美國人都會變得冷漠,而且今次追氣球事件,為左救個小朋友,d車不惜輾爛農戶麥田,宜家政府告呢對騙子夫婦,麥田田主都告佢,佢唔止賠錢,身敗名裂,仲分分鐘要坐監六年以上,相信該對父母都可能會有一刻怪自己既小朋友踢爆佢地,,但我覺得個小朋友做得無錯,就算你將來有份合約,你攞到返嚟既錢你會食得開心咩?呃晒全美國人既同情心,先得嚟既錢會高興咩?我最憎騙子,點解香港會變得咁冷漠,就算你無帶手機,想問人借,人地都會對你側目呢?人人都唔信任別人?係邊個既錯?棲本就係騙子既錯,有人被人呃過,又或者目擊騙案發生,人人地既警覺性就會提高,自然對身邊任合事都會極其小心,人與人之間就失去互助,而且騙子往往利用人既同情心....實在不要得....騙子的確係令城市冷冰冰既主要元兇!!!
中化成績仲未出呀,好期待
心金抽完個體值,又要抽性格,之後又要睇埋特性,如果真係要連中三元都咪話容易呀
宜家抽緊寶石版火主角同草主角,希望火主角物攻有7,草主角速度有7啦,如果係咁計返個體值應該都幾可觀
訓練重甲暴龍,lv92喇,仲有8lv就到100lv喇,我未試過咁努力去升一隻岩系pokemon,呢次係開始,日後可能會專攻岩系,做岩系獎門(・∀・)之餘仲要做龍系pokemon獎門!!!宜家已經升左好多龍系pm出嚟,繼續!!!
心金抽完個體值,又要抽性格,之後又要睇埋特性,如果真係要連中三元都咪話容易呀
宜家抽緊寶石版火主角同草主角,希望火主角物攻有7,草主角速度有7啦,如果係咁計返個體值應該都幾可觀
訓練重甲暴龍,lv92喇,仲有8lv就到100lv喇,我未試過咁努力去升一隻岩系pokemon,呢次係開始,日後可能會專攻岩系,做岩系獎門(・∀・)之餘仲要做龍系pokemon獎門!!!宜家已經升左好多龍系pm出嚟,繼續!!!